Friday, December 1, 2017

The Victims Of Love (SPG) - Chapter 20



"KAWAWA naman ang kapitbahay natin, naaksidente ang asawa niya kanina," sabi ni Billie.

"Sino?" tanong ni Rhone.

"Si Papa Hiechan, nakita ko kanina karga-karga ang asawa niyang si Aling Mau. Nahulog daw sa hagdan. Ewan kung aabot pa ba 'yon sa hospital."

"What? Sabihin mong nagbibiro ka lang, Billie. Sabihin mo!" ani Rhone na nagdramang hindi makapaniwala sa binalita ni Billie.

Isang hampas ng sandok ang pinatikim ni Billie kay Rhone sa ulo.

"Aray!" daing ni Rhone.

"Putang ina ka e, eksaherada ka masyado!" inis na sabi ni Billie.

"Paano naman kasi, alam mo namang wala akong pakialam sa mga kapitbahay natin tapos babalitaan mo ako ng ganyan," ani Rhone na hinahagod ang ulong natamaan ng sandok.

"Kapitbahay pa rin natin 'yon, gaga!"

"Whatever!" iritadong sabi ni Rhone.

"Come here, mga bakla, bilis!" tawag ni Jocee sa kanilang dalawa. Kasalukuyang abala sina Rhone at Billie sa niluluto sa kusina. Hindi kasi tumutulong si Jocee at nanonood lang ng TV sa sala.

Agad namang tumalima ang dalawa at nagpunta agad sa sala.

"Bakit, bakla?" Rhone asked.

"May interview si Papa Teolo, susunod na," excited na tugon naman ni Jocee.

"Talaga?" natutuwang sabi ni Billie na kaagad umupo sa sofa katabi ni Jocee. Pati si Rhone ay umupo na rin. Napapagitnaan na nila si Jocee.

Ilang commercials lang ay nag-umpisa na ang showbiz talk show.

"Alam kong kanina niyo pa inaabangan ang isa sa most-sought bachelors ng bansa natin ngayon, ang nag-iisa at walang iba kundi si Teolo," anang baklang host.

Agad namang nagsigawan sina Jocee, Rhone at Billie kasabay ng mga nagsisigawan ding audience sa naturang showbiz talk show.

Ilang sandali lang ay lumabas na nga si Teolo mula sa likod ng stage. Ang prominent na ngiti nito ay naka-display sa napakagwapong mukha.

"Shit! Ang pogi talaga ng baby ko!" sigaw ni Billie.

Kaagad namang nagtaasan ang kilay nina Rhone at Jocee pero mas pinili na lamang na manahimik at hindi na kinontra pa si Billie para iwas gulo na.

"Hi, Teolo. Welcome to Thirty-minutes with Bam Andy," nakangiting bati ng baklang host.

"Hello po, tita Bam," tugon naman ni Teolo at agad na nakipagbeso-beso sa baklang host.

Nagbiro naman si Bam Andy at kunwa'y tumaas ang kilay nito na ani mo'y iniinggit ang mga nagsisigawang babae at bakla sa audience.

"Ang swerte ng puta!" ani Jocee na ang tinutukoy ay ang baklang host.

Umupo na si Teolo kaharap ng upuan ni Bam Andy. Ifinocus sa camera ang mukha ng binata at halos nangisay na ang lahat ng ngumiti ito at kumindat pa.

"Hoy! Tama na 'yan! Kayo ha, baka naiihi na kayo diyan sa sobrang kilig," anang baklang host na sinabayan ng tawa.

Tumawa rin si Teolo. "Sobra naman 'yon," anito.

"Ang pogi talaga ni papa Teolo," ani Rhone na sobrang kinikilig.

"Oo na pogi na, manahimik na kayo," iritadong sabi ni Billie.

Agad naman silang nanahimik at nag-concentrate na sa panonood.

"Before anything else, maraming-maraming salamat sa pagpapaunlak mo sa interview na 'to, Teolo. As we all know, bihira ka lang talagang tumanggap ng mga ganitong interview, and I'm so lucky at hindi mo talaga tinanggihan ang invitation ko ngayon," sabi ni Bam Andy.

"You're welcome, tita Bam. Perfect timing din kasi ito para sa importanteng sasabihin ko ngayong gabi," Teolo said na biglang rumihestro sa mukha ang pagkaseryoso.

"Nakakaintrega 'yan ha, gaano ba kaimportante 'yan?"

"Basta importante, it's all about me," diretsong sagot ni Teolo.

"Okay, but before that, how's your love life, Teolo?" tanong ni Bam Andy.

Ifinocus ang mukha ni Teolo sa camera. Hindi ito nakasagot pero naghintay pa rin ang lahat. Biglang tumulo ang mga luha nito hanggang sa umiyak na nga ng tuluyan.

Nagsigawan naman agad ang mga audience pati sina Rhone, Jocee at Billie.

"Papa Teolo, don't cry for me," ani Rhone.

"Ang kapal ah," ani Jocee.

"Mga putang ina manahimik nga kayo," ani Billie na biglang napahikbi.

Automatic namang napatingin sina Rhone at Jocee kay Billie. Halata sa mukha ng dalawa na naumay sa pag-iyak nito.

"Teolo, bakit?" nag-aalalang tanong ni Bam Andy.

Napapahid ng mga luha si Teolo at nagpilit na ngumiti. "Ayoko ng patagalin pa, tita Bam. Kagabi ko lang talaga kinilala ng husto ang sarili ko. I realized na wala pala sa mga naging girlfriend ko ang problema, nasa akin at-" muli itong napahikbi, patuloy sa pagtulo ang mga luha, "matanggap niyo man ako o hindi, pero gusto ko lang na magpakatotoo sa inyong lahat-"

"Go on, Teolo, kaya mo 'yan," Bam Andy said.

Humugot ng malalim na paghinga si Teolo. Ifinocus muli ang camera sa mukhang kinababaliwan ng halos lahat ng kababaehan at kabaklaan. "I'm gay!" anitong napayuko.

*****

MGA dalawang oras na ring naghihintay at hindi mapakali si Hiechan sa labas ng hospital. Nakaubos na siya ng dalawang bote ng softdrinks pero uhaw na uhaw pa rin ang kanyang pakiramdam. Pinagpapawisan din siya ng malamig. Iyak pa rin siya ng iyak.

Agad siyang tumayo nang makita si Piasha. Pagtayo niya ay biglang nahulog ang dalawang bote ng softdrinks na ininom niya kanina. Nabasag ang mga iyon.

Napatitig saglit si Hiechan sa basag na mga bote at biglang bumilis ang tahip ng kanyang dibdib. Pumikit siya at iniwasang mag-isip ng masama.

"Ano'ng nangyari?" tanong ni Piasha sa kanya.

Mabilis na niyakap ni Hiechan ang matalik na kaibigan ng kanyang kabiyak. Umiyak siya ng umiyak sa balikat nito.

"Hiechan, kamusta na si Mau?" lumuluhang tanong ulit ni Piasha na hinahagod ang kanyang likuran.

"Sabi ng doctor nagkaroon ng malaking pinsala sa loob ng ulo niya. Nasa operating room pa siya hanggang ngayon," umiiyak na sabi ni Hiechan.

"Diyos ko!" ang tanging nasabi ni Piasha.

Pareho silang nag-iyakan at kumukuha ng lakas sa isa't isa. Ilang sandali rin iyon bago nila naisipang pumasok na sa loob ng hospital. Ikinuwento ni Hiechan ang lahat ng nangyari habang naglalakad sila papasok.

May tumigil na ambulance sa tapat nila. Napatigil sa paglalakad si Hiechan. Gusto sana niyang makita ang pasyente pero nasa kabilang pinto idinaan kaya hindi na niya nakita.

Tuloy-tuloy na silang dalawa ni Piasha na pumasok sa loob.

"Hiechan?"

Napalingon si Hiechan sa tumawag sa kanya. Si Rica. Ang matalik na kaibigan ni Rod. Nasa mukha nito ang labis na pagkataranta. Lumapit ito sa kanya.

"Rica, bakit?" tanong niya.

"Hiechan, si Rod-"

"Bakit ano'ng nangyari sa kapatid ko?" Kaagad siyang kinabahan.

"Siya ang isinugod ko ngayon dito sa hospital. Nakita ko kanina sa kwarto niyang wala ng malay at bumubula ang bibig. Ininom niya ang lahat ng sleeping pills."

Parang tinamaan ng kidlat si Hiechan sa narinig. "Hindi! Hindi! Bakit gagawin ng kapatid ko 'yon?" ang umiiyak niyang tanong kay Rica.

"Hindi ko alam," humihikbing tugon nito.

Nakaramdam ng matinding panghihina si Hiechan. Napasandal siya sa dingding at dahan-dahang umupo sa sahig. Inilagay niya sa gitna ng mga tuhod ang kanyang ulo at mahigpit na niyakap ang mga iyon. Humagulgol siya. 


Bigla niyang naisip ang nangyaring pagtatalo nila ni Rod. Alam niyang iyon ang dahilan kaya naisipan nitong mag-suicide.

Sa sobrang bigat at sakit ng kanyang nararamdaman ay napasigaw na lamang siya. Hindi niya alam kung bakit pinaparusahan siya ng ganoon katindi ng Panginoon. 


Dalawang importanteng tao pa sa buhay niya ang nasa bingit na ngayon ng kamatayan.

---

To be continued....